...

BMT Təhlüküəsizlik Şurası Amerikanın Suriyaya hücumunu "udacaq"

Dünya xəbərləri Materials 30 Oktyabr 2008 19:28 (UTC +04:00)

Azərbaycan, Bakı, 30 oktyabr/ Trend , müxbir Ü.Sadıqova/ Beynəlxalq təşkilatlar, o cümlədən BMT Təhlükəsizlik Şurası ABŞ - ın Suriya ərazisinə "terror əleyhinə" hücumuna qarşı ittiham irəli sürməyəcəklər.

"ABŞ faktiki olaraq BMT Təhlükəsizlik Şurasının (TŞ) sahibidir. Ona görə də BMT TŞ-nin digər üzvləri - məsələn, Böyük Britaniya ittiham irəli sürməkdənsə, bu hücumu terrorla mübarizə kimi alqışlayacaq", - Ərəb -Britaniya Strateji Araşdırmalar və Vətəndaş Hüquqları Mərkəzinin (Arab Orient Centre for Strategic and Civilisation Studies) rəhbəri Salem Züheyir (Salem Zuheir) telefonla Trend -a bildirib.

Bazar günü ABŞ HHQ  Suriyanın Əbu-Kamal əyalətinə hücum edib. Hücum nəticəsində doqquz nəfər dinc sakin həlak olsa da, rəsmi Vaşinqton terror məntəqələrinə zərbə endirildiyini iddia edir. ABŞ Müdafiə Nazirliyinin məlumatlarına görə, "Əl-Qaidə" qruplaşmasının yaraqlıların Suriyadan İraqa keçməsinə yardım edən lideri Əbu Qadiyə məhv edilib, - BBC xəbər verir.

Dəməşq BMT-yə şikayət ünvanlayaraq, bu işi beynəlxalq səviyyədə araşdırmağı və ABŞ-a qarşı tədbirlər görməyi tələb edib. Lakin hələ ki bu şikayətə cavab gəlməyib. Bu gün səhər ABŞ-ın Dəməşqdəki səfirliyi bağlanılıb.

Artıq səkkiz ildir ki, ABŞ terrorla mübarizə və dünyada istənilən terror ocağının aradan qaldırılmasına görə məsuliyyəti öz üzərinə götürüb. Bu mübarizə 2002 - ci ildə Əfqanıstanda və 2003 - cü ildə İraqda müharibənin səbəbi olub.

Bu gün BMT - nin özünə də aydındır ki. terrorizmə qarşı müharibə olmayıb və ABŞ Yaxın Şərq ölkələrinin ovuna çıxıb, - Yaxın Şərq münaqişələri üzrə beynəlxalq ekspert Hüsni Məhəlli hesab edir.

BMT Nizamnaməsinin 41 və 42-ci maddələrinə əsasən, hər hansı bir regionda sülh pozularsa, BMT TŞ cavab tədbirləri görməlidir: ya sülhü pozan tərəfdən sakitliyin bərpasını tələb etməli, ya da cavab tədbirləri görməlidir.

Lakin Suriya ərazisinə hücumdan dörd gün keçsə də, BMT məsələni aydınlaşdırmağa heç bir cəhd göstərməyib.

"Anti-terror siyasəti BMT-nin ABŞ-ı ittiham etmək və ondan izahat tələb etməyi istəməsinin başlıca səbəbi olacaq", - ərəb ekspert Züheyri bildirib.

Maraqlı faktdır ki, Vaşinqton baş verən hadisəyə görə məsuliyyəti Suriya hökumətinin üzərinə qoymağa çalışır. ABŞ iddia edir ki, Dəməşq sərhədlərinin lazımi təhlükəsizliyini təmin etmir və buna görə də terrorçular Suriyadan İraqa və İran sərhədlərindən Əfqanıstana keçir.

"Təcavüzün iki tərəfi var: təcavüz edən və qurban. ABŞ özünü qurban kimi göstərərək, Dəməşqlə yerini dəyişməyə çalışır", - Dəməşqin Vətəndaş Hüquqları İnstitutunun hüquq mühafizəçisi Haldun Əsvad (Khaldoon Aswad) bildirib.

İraqda bu münaqişəyə cəlb edilib. Belə ki, ABŞ-ın qüvvələri məhz bu ölkənin sərhədlərini müdafiə edərək zərbə endiriblər. Dəməşq Baьdадdan bununla bağlı izahat istəsə də, sonuncu bu məsələyə aidiyyatını təkzib edib.

Züheyri hesab edir ki, Amerika iki ərəb qonşusunu "küsdürmək" və bununla da Suriyanı İraqın siyasətinə müdaxilədən uzaqlaşdırmaq istəyir. Dəməşqin İrana ı maraьы ABŞ-ı təşvişə salırdı. Bu, İranın Suriya vasitəsilə İraqın daxili işlərinə müdaxiləsinə gətirə bilərdi.

ABŞ, Suriyada fəaliyyət göstərən İraq müqavimətini terrorizm kimi təqdim edə bilər. Bu, Vaşinqtona İraqda möhkəmlənməyə və Bağdadla təhlükəsizlik haqqında sazişi təsdiqləməyə mane olur. Britaniyanın Suriya Araşdırmaları İnstitutunun rəhbəri Raymond Hinnebuşun (Raymond Hinnebusch) sözlərinə görə, buna görə də BMT Amerikanın hücumuna qarşı xüsusi tədbir görməyəcək. Onun rəyinə görə, əks halda, ABŞ Əfqanıstana görə də, İraqa görə də hesabat verməli olacaq.

Burada Rusiya və Çin kimi güclü dövlətlərin də maraqlarının ABŞ-a qarşı oyunu gedir. Rusiya XİN ABŞ-ın Suriyaya hücumunu tənqid edib və bunu beynəlxalq hüququn pozulması adlandırıb.

Lakin Hinnebuşun sözlərinə görə, Rusiyanın hiddəti nəzərə çarpmayacaq -  o, çoxluğun azlığa qalib gəldiyini hesab edir.

"BMT özünün obyektivliyini sübut etmək istəyirsə, qoy o zaman amerikalıların özlərinin şüarına riayət etsin - "Ədalət yoxdursa, sülh də yoxdur", - hüquq müdafiəçisi Əsvad bildirib.

Müəlliflə əlaqə saxlamaq üçün elektron ünvan - [email protected]

Xəbər lenti

Xəbər lenti