Azərbaycan, Bakı, 2 oktyabr /Trend, müxbirlər E.Tariverdiyeva, T.Cəfərov/
İranda Tehran-Ahvas marşrutu üzrə uçan 208-ci reys çərşənbə axşamı səhər yaranmış texniki problemlərlə əlaqədar Tehranda qəza enişi edib. Trend-in məlumatına görə, bu barədə FARS agentliyi xəbər verib.
İlkin məlumatlara görə, təyyarə havaya qalxdıqdan bir müddət sonra şassilərdən birində yaranmış texniki nasazlıq səbəbindən elə həmin aeroportda yerə enib.
Uçuşdan bir neçə dəqiqə sonra təyyarə silkələnməyə başlayıb və pilotlar yanacağı ataraq aeroporta enməyə məcbur olublar.