Azərbaycan, Bakı, 07 fevral /Trend, müxbir T.Cəfərov/
İran may ayında özünün istehsal etdiyi uzaq mənzili yeni pilotsuz təyyarənin təqdimatını keçirəcək. Bunu İranın müdafiə nazirinin müavini Məhəmməd İslami deyib. Trend-in məlumatına görə, bu barədə İranın FARS agentliyi məlumat verir.
İslami deyib ki, İran qısa, orta və uzaq mənzilli modeldə pilotsuz təyyarələrin layihələşdirilməsi və istehsalı istiqamətində çoxlu nailiyyətlər əldə edib.
"Uzaq mənzilli modeldə olan pilotsuz təyyarələr strateji təyyarələr hesab olunur. May ayında təqdimatı olacaq yeni piltosuz təyyarə özəl əməliyyatlar həyata keçirmək üçün nəzərdə tutulub. Həmin pilotsuz təyyarələrin havada qalma müddəti 24 saatdır və 30 min fut yüksəklikdə uçuşlar həyata keçirməyə qadirdirlər", -deyə İslami bidlirib.