Bakı. Elçin Hüseynov - Trend:
Parisin "Şarl de Qol" Beynəlxalq hava limanında "Air France" şirkətinə məxsus iki təyyarə toqquşub.
Trend "Airlive" saytına istinadən xəbər verir ki, hadisə bu gün səhər baş verib.
Toqquşma uçuş-eniş zolağında "Airbus A3202 və "Boeing 777-300ER" təyyarələri arasında qeydə alınıb. Hadisə birinci təyyarə Tunis istiqamətində uçuşu həyata keçirməyə hazırlaşarkən, ikincisi isə Dakardan Paris aeroportuna enərkən baş tutub.
Toqquşma nəticəsində zərər çəkmişlərlə bağlı dəqiq məlumat hələlik verilmir.