Bakı. Trend:
Portuqaliyanın keçmiş prezidenti Mariu Suariş xəstəxanaya yerləşdirilib. Trend bu barədə RİA Novosti-yə istinadən məlumat verir.
92 yaşlı sabiq prezident Lissabon Qırmızı Xaç Xəstəxanasında həkim nəzarətindədir. Həkimlərin sözlərinə görə, onun vəziyyəti getdikcə pisləşir. Hazırda həkimlər dəqiq diaqnoz qoymağa çalışırlar.
M.Suarişi xəstəxanada Portuqaliyanın hazırkı prezidenti Marselu Rebelu di Soza ziyarət edib.
M.Suariş Portuqaliya Sosialist Partiyasının banisi olub. O, 2 dəfə baş nazir postunu, 1986-1996-cı illərdə prezident postunu tutub.