Bakı. Trend:
Rusiyanın Baş naziri Dmitri Medvedev hökumətə spirt tərkibli qeyri-qida məhlullarının pərakəndə ticarətdən yığışdırılması və müvafiq olaraq yeni qanunun qəbulunun təmin edilməsi üçün bütün zəruri tədbirləri görməyi tapşırıb.
Qeyd edək ki, bazar günü İrkutskda 48 nəfərin ölümü ilə nəticələnən "Yemişan" adlı sprit tərkibli məhluldan kütləvi zəhərlənmə faktı qeydə alınıb.
Baş nazir əlavə edib ki, belə məhsulların satışı qeyri-qanunidir, məsuliyyət yaratmalıdır.
D.Medvedev Rusiya Daxili İşlər Nazirliyini bu vəziyyətə diqqət yetirməyə çağırıb.