Bakı. Trend:
ABŞ-ın Kaliforniya ştatında ibtidai məktəbdə atışma baş verib.
Trend-in "RİA Novosti"yə istinadən verdiyi məlumata görə, atışma nəticəsində 3 nəfər həlak olub, 1 məktəbli isə yaralanıb. Ölənlərin 1-i müəllim, 1-i məktəbli, 1-i isə atəş açan şəxsin özü olub.
"Biz hesab edirik ki, bu, qətl və intihar hadisəsi olub", - bu barədə yerli polisin rəhbəri Cared Berquan "Twitter" hesabında yazıb.
O, qeyd edib ki, polislər hadisə yerində işləyir və məktəblilər təxliyə edilib.