...

Kimya üzrə Nobel mükafatının laureatları məlum oldu

Dünya xəbərləri Materials 4 Oktyabr 2017 14:00 (UTC +04:00)
İsveçdə 2017-ci il kimya üzrə Nobel mükafatının laureatları məlum olub
Kimya üzrə Nobel mükafatının laureatları məlum oldu

Bakı. Trend:

İsveçdə 2017-ci il kimya üzrə Nobel mükafatının laureatları məlum olub.

Trend-in məlumatına görə, bu mükafata amerikalı Yoahim Frank, isveçrəli jak Düboşe və britaniyalı Riçard Henderson layiq görülüb.

Onlar məhlulda yüksək çözümlü molekulların strukturunun müəyyənləşdirilməsi üçün krioelektron mikroskopiyanın hazırlanmasına görə Nobel mükafatı ilə təltif ediliblər.

Xatırladaq ki, oktyabrın 2-də 2017-ci il üzrə tibb və fiziologiya üzrə Nobel mükafatının laureatları məlum olub. Onlar ABŞ-lı alimlər Ceffri Holl, Maykl Rozbaş və Maykl Yanq olublar.

Oktyabrın 3-də isə 2017-ci il fizika üzrə Nobel mükafatının laureatları məlum olub. Trend-in məlumatına görə, bu mükafata ABŞ-lı alimlər Rayner Vayss, Kip Torn və Barri Beriş layiq görülüb.

Qeyd edək ki, mükafatin təqdim edilməsi mərasimi hər il dekabrın 10-da İsveçin və Norveçin paytaxtlarında keçirilir.

Fizika, kimya, fiziologiya və təbabət, ədəbiyyat və iqtisadiyyat sahələrində mükafatlar Stokholmda İsveç Kralı tərəfindən, sülhün qorunması sahəsində mükafat isə Osloda Norveç Kralının və kral ailəsi üzvlərinin iştirakı ilə Norveç Nobel Komitəsinin sədri tərəfindən təqdim edilir.

Xəbər lenti

Xəbər lenti