Bakı. Trend:
YUNESKO-nun baş direktoru seçkilərinin birinci turu nəticəsiz yekunlaşıb.
Trend-in "RİA Novosti"yə istinadən verdiyi məlumata görə, namizədlərdən heç biri qələbə üçün lazım olan mütləq səs çoxluğunu toplaya bilməyib.
Baş direktor postuna yeddi ölkədən, o cümlədən Azərbaycandan Polad Bülbüloğlu, Vyetnamdan Fam Sanq Çau, Misirdən Muşira Xəttab, Qətərdən Həməd bin Əbdüləziz əl-Kavari, Çindən Kian Tan, Livandan Vera Əl-Huri Lakoyeuile və Fransadan Odri Azuleyin namizədliyi irəli sürülüb.
Səsvermənin növbəti mərhələsi oktyabrın 10-u keçiriləcək. Yeni rəhbərin adı oktyabrın 13-dək açıqlanacaq.