Bakı. Trend:
Türkiyə Silahlı Qüvvələrinin Suriyanın Afrin bölgəsində apardığı "Zeytun budağı" əməliyyatının 27-ci günündə daha 43 terrorçu məhv edilib.
Trend-in məlumatına görə, bununla da zərərsizləşdirilmiş terrorçuların sayı 1528-ə çatıb.
Türkiyə Ordusu və "Azad Suriya Ordusu" Kude kəndini ələ keçirib, 54 yaşayış məntəqəsi nəzarətə götürülüb.
Havadan və qurudan PYD terrorçularının mövqelərinə zərbələr endirilib.
Xatırladaq ki, yanvarın 20-də Türkiyə Silahlı Qüvvələri Suriyanın Afrin bölgəsində PYD və YPG terrorçularına qarşı əməliyyata başlayıb. "Zeytun budağı" adı altında keçirilən əməliyyatlara Türkiyə Hərbi Hava Qüvvələrinin "F-16" təyyarələri də cəlb olunub.
