Bakı. Rufiz Hafizoğlu - Trend:
Türkiyədə heyət üzvləri olmadan idarə edilən zirehli transportyor istehsal olunub.
Trend bu barədə Türkiyənin Müdafiə Sənayesi Katibliyinə istinadən məlumat verir.
Məlumata əsasən uzaqdan idarəetmə sistemi olan və "Tarantula" adı verilən zirehli transportyor 8 saat ərzində hərəkət edə bilir, yükqaldırma qabiliyyəti 800 kiloqram təşkil edir.
Qeyd edək ki, son illər ərzində Türkiyə hərbi sənaye sahəsinə 35 milyard dollara yaxın investisiya qoyub.
