Bakı. Trend:
ABŞ-ın keçmiş prezidenti Corc Buş (ata) Men ştatında xəstəxanaya yerləşdirilib.
Trend-in məlumatına görə, bu barədə Buş ailəsinin rəsmi nümayəndəsi Cim Makqart öz Twitter səhifəsində yazıb.
Onun sözlərinə görə, C.Buşun xəstəxanaya yerləşdirilməsinə səbəb onun qan təzyiqinin aşağı olması olub: "O, yəqin ki, orada müayinədən keçmək üçün bir neçə gün qalacaq".
Qeyd edək ki, bundan əvvəl Corc Buş (ata) aprel ayında Xyuston şəhərində xəstəxanaya yerləşdirilmişdi.