Bakı. Tural Turan - Trend:
İndoneziyanın Lombok adasında 6,9 bal gücündə zəlzələ baş verib. Trend-in məlumatına görə, bu barədə Avropa-Aralıq dənizi Seysmoloji Mərkəzi məlumat yayıb.
Yeraltı təkanlar bazar günü yerli vaxtla 14:56-da (18:56) qeydə alınıb. Zəlzələnin ocağı 10 kilometr dərinlikdə yerləşib.
Xatırladaq ki, avqustun 5-də Lombok adasının şimalında 7 bal gücündə zəlzələ baş verib və təbii fəlakət nəticəsində 436 nəfər ölüb.