Bakı. Rufiz Hafizoğlu - Trend:
Türkiyə polisi Ankarada xüsusi əməliyyat keçirib. Trend-in məlumatına görə, əməliyyat PKK terror təşkilatı üçün kürd iş adamlarından pul toplayan şəxslərə qarşı hazırlanıb.
Məlumata görə, əməliyyat çərçivəsində bu işlə məşğul olan 21 nəfər saxlanılıb.
Əməliyyata 300-dən çox polisin cəlb olunduğu qeyd edilir.
Həmçinin Türkiyənin başqa şəhərlərində də PKK terror təşkilatına qarşı əməliyyat keçiriləcəyi bildirilib.