Bakı. Tural Turan - Trend:
Britaniyalı aktyor Orlando Blum və amerikalı müğənni Keti Perri nişanlanıb. Trend-in məlumatına görə, Sevgililər günündən dərhal sonra cütlük birgə fotonu İnstagram sosial şəbəkəsində paylaşıb.
“Ömür boyu”, - deyə Blum qeyd edib.
Cütlük 2016-cı ildə tanış olub. Bir müddət cütlük ayrılsa da, sonradan yenidən bir araya gəlib.
Xatırladaq ki, həm Perri, həm də Blum daha əvvəl ailə həyatı qurub.