Bakı. Trend:
Rusiya Federasiyasının Altay Respublikasında Cənubi-Çuysk dağ silsiləsində mayın 6-sı qar uçqunu baş verib.
Trend-in "TASS"a istinadən verdiyi məlumata görə, qar uçqunu nəticəsində 7 turist həlak olub, 2 turist isə sağ qala bilib.
Sağ qalan turistlər yalnız bu gün Koş-Ağac kəndinə çata biliblər.
Bildirilir ki, hadisə haqqında turistlər əlaqənin olmaması səbəbindən daha əvvəl xəbər verə bilməyiblər. Hadisə yerinə helikopter cəlb edilib.