Bakı. Trend:
"Ural hava yolları"na məxsus "Airbus A321" sərnişin təyyarəsi "Jukovski" hava limanında qəza enişi edib.
Trend-in "TASS"a istinadən verdiyi məlumata görə, təyyarə "Jukovski" aeroportundan havaya qalxdıqdan sonra quş dəstəsi ilə toqquşub və mühərriklərin hər ikisi sıradan çıxıb.
Məlumata əsasən, təyyarə uçuş-eniş zolağından 1 kilometr aralıda eniş edib.
Təyyarənin göyərtəsində 7 heyət üzvü və 227 sərnişin olub. Onlar xəsarət almayıb və təxliyə ediliblər.