Bakı. Trend:
Sinqapurda “DBS Asia” bankının mərkəzi ofisinin 300 əməkdaşı təxliyə olunub.
Trend-in məlumatına görə, buna əməkdaşlardan birinin koronavirusa yoluxması səbəb olub.
Qeyd olunur ki, bununla əlaqədar olaraq “Marina Bay” biznes mərkəzinin 43-cü mərtəbəsində işləyən əməkdaşlar evə göndərilib. Həmin mərtəbə isə dezinfeksiya edilib.
Binanın digər mərtəbələrində işləyənlərə təxliyə tapşırığı verilməyib.
Koronavirusa yoluxan əməkdaş karantinə alınıb.