Bakı. Trend:
ABŞ-da yeni koronavirus infeksiyası ilə yoluxma hallarının sayı 700 mini keçib.
Trend-in məlumatına görə, bu barədə Con Hopkins Universiteti bildirib.
Məlumata əsasən, ABŞ-da yoluxanların sayı 700 282 nəfər təşkil edir. 36 822 nəfər ölüb, 58 587 nəfər sağalıb.
Koronavirusun səbəb olduğu bir xəstəlik 2019-cu ilin sonlarında Mərkəzi Çində qeydə alınıb və sonradan əksər ölkələrə yayılıb. Martın 11-də ÜST bunu pandemiya kimi tanıyıb.