Bakı. Trend:
Hidroksixlorokin adlı malyariya dərmanının koronavirusa qarşı vasitə kimi sınaqdan keçirilməsi dayandırılıb.
Trend-in məlumatına görə, bu barədə Ümumdünya Səhiyyə Təşkilatı (ÜST) bildirib.
Qeyd olunur ki, bir neçə ölkədə keçirilən sınaqlar müvəqqəti olaraq dayandırılıb.
Bəzi araşdırmalar nəticəsində müəyyən olub ki, hidroksixlorokin xəstələrin COVID-19 infeksiyasından ölüm riskini daha da artırır.
Xatırladaq ki, bir müddət əvvəl ABŞ prezidenti Donald Tramp koronavirusa yoluxmamaq üçün hidroksixlorokin qəbul etdiyini deyib.