Bakı. Trend:
Fransa hakimiyyəti vaksinasiya proqramının ilk mərhələsinə dekabr ayının son həftəsində başlamaq niyyətindədir.
Trend-in məlumatına görə, bu barədə Fransa Baş naziri Jan Kasteks ölkənin Milli Assambleyasında Fransa əhalisinin vasksinasiyası problemlərinə dair dinləmədə çıxış edərkən bildirib.
Baş nazir qeyd edib ki, dekabrın 21-i Avropa Dərman Agentliyi (EMA) peyvənd istifadəsinə dair qərar verməlidir:
"Bunun üçün lazımi şərtlər yaransa, dekabrın son həftəsində Fransada vaksinasiyanın birinci mərhələsinə başlaya biləcəyimizə ümid edirik".
J.Kasteks əlavə edib ki, ilk mərhələdə COVID-19-a yoluxma riski ən çox olan 1 milyona yaxın insana peyvənd vurulacaq.