Bakı. Trend:
Gürcüstanda koronavirusun "omikron" ştammına daha 89 yoluxma halı qeydə alınıb.
Trend-in məlumatına görə, bu barədə ölkənin Xəstəliklərə Nəzarət və İctimai Səhiyyə üzrə Milli Mərkəzindən bildiriblər.
Məlumata əsasən, ölkədə "omikron" ştammına yoluxanların ümumi sayı 1 185 nəfərə çatıb.
Qeyd edək ki, Gürcüstanda "omikron" ştammına ilk iki yoluxma halı dekabrın 20-də təsdiq edilib. Yoluxan şəxslərdən biri ABŞ-dan, digəri isə Dubaydan ölkəyə giriş edib. Daha sonra "omikron" ştammı həmin şəxslərin ünsiyyətdə olduğu digər insanlarda da qeydə alınıb.