Bakı. Trend:
ABŞ-da poliomielit ilə xəstələnmə hadisəsi aşkar edilib.
Trend-in məlumatına görə, bu barədə "Associated Press" qəzeti xəbər verib.
Məlumata əsasən, bu, demək olar ki, 10 ildə ilk dəfə xəstəliyə yoluxma halıdır.
Hələki kimin xəstələndiyi və bu şəxsin peyvənd edilib-edilməməsi ilə bağlı heç bir məlumat yoxdur. Eyni zamanda qeyd edilib ki, çox güman ki, söhbət birbaşa poliomielit xəstəliyindən deyil, canlı vaksinlə peyvənd olunma zamanı aşkar edilən bu xəstəliyin izlərindən gedir.
ABŞ-da canlı peyvənd istifadə edilmir, insanlar inaktivləşdirilmiş poliomielit peyvəndi ilə peyvənd olunurlar.