Bakı. Trend:
Türkiyənin cənubundakı Kilis vilayətinin Öncüpınar qəsəbəsinə Suriya ərazisindən 3 raket atılıb.
Trend bu barədə bu gün Türkiyə KİV-lərinə istinadən məlumat verir.
İnsident nəticəsində insan itkisi qeydə alınmayıb.
Qeyd edək ki, ötən gün də bu bölgəyə raket zərbəsi endirilmiş, 8 nəfər yaralanmışdı.
Bu gün isə Qazinatepin Karkamış şəhərinə 5 raket atılıb, nəticədə 2 nəfər həlak olub, 6 nəfər yaralanıb.