Bakı. Trend:
Meymunçiçəyi xəstəliyi Ümumdünya Səhiyyə Təşkilatının (ÜST) rəsmi sənədlərində "mpoks" adlandırılacaq.
Trend-in məlumatına görə, bu barədə bu gün ÜST-ün Cenevrədəki mənzil-qərargahı bildirib.
Qeyd olunur ki, bu adla yanaşı, növbəti bir il ərzində meymunçiçəyi adı da bərabər formada işlənəcək. Daha sonra "mpoks" adı tam şəkildə qüvvəyə minəcək. Bu ad xəstəliyin ingiliscə "monkeypox" adının qısaldılmış variantıdır.
Bu günədək dünyanın 110 ölkəsində 80 mindən çox şəxs meymunçiçəyinə yoluxub, 53 nəfər vəfat edib.