Bakı. Trend:
Peru parlamenti daha əvvəl qanunverici orqanın buraxıldığını və komendant saatı tətbiq edildiyini elan edən prezident Pedro Kastilyonun istefaya göndərilməsinə səs verib.
Trend-in məlumatına görə, təklifi 101 deputat dəstəkləyib, 6 deputat əleyhinə səs verib, 10 deputat bitərəf qalıb.
Bildirilib ki, saat 15:00-da birinci vitse-prezident Dina Boluartenin respublika prezidenti vəzifəsinə təyin olunması üçün andiçmə mərasimi keçiriləcək.