...

Britaniyanın tənzimləyici qurumu kommunikasiya tariflərindəki 14 faiz artımı yoxlayacaq

Dünya xəbərləri Materials 10 Fevral 2023 15:31 (UTC +04:00)
Britaniyanın tənzimləyici qurumu kommunikasiya tariflərindəki 14 faiz artımı yoxlayacaq

Bakı. Trend:

Böyük Britaniyanın Tənzimləyici Qurumu olan OFCOM (Office of Communications) telekommunikasiya şirkətlərinin xidmətləri orta hesabla 14% artırmaq planları ilə əlaqədar yoxlamalara başlayıb.

Trend-in məlumatına görə, bu barədə Financial Times xəbər verir.

Qəzetin yazdığına görə, adətən tariflər artırıldıqda operator ötənilki inflyasiyaya əsaslanır və bu göstəriciyə təqribən 3,9% əlavə edirlər (bu əlavə konkret xidmət təminatçısından asılıdır). Rəsmi məlumatlara əsasən, 2022-ci ildə Böyük Britaniyada qiymət artımının səviyyəsi 10,5% təşkil etdiyindən tariflər 14%-dən çox artırılacaq

Bu cür qeyri-şəffaf sxem ekspertlər tərəfindən tənqid obyektinə çevrilib. Tənzimləyici qurum hər şeydən öncə "operatorlar müştərilərə kifayət qədər məlumat vermədiyinə" görə narahatdır.

"Telekommunikasiya şirkətlərinə nəzarətlə bağlı daha ciddi tədbirlərə ehtiyac olub-olmadığını yoxlayacağıq" - Ofcom-un istehlakçı hüquqlarının müdafiəsi üzrə direktoru Kristina Luna-Esteban deyib.

Tənzimləyici qurumun ilkin araşdırması mobil və genişzolaqlı əlaqə xidmətlərindən istifadə edən britaniyalıların üçdə birinin tariflərin hansı müddətdə və məbləğdə artırılacağına dair məlumat almadığını göstərib.

Məqalədə:
Xəbər lenti

Xəbər lenti