Bakı. Trend:
Rusiyanın Sergiyev Posad şəhərində yerləşən Zaqorsk optik-mexanika zavodunda baş verən güclü partlayışdan sonra 12 nəfər itkin düşüb.
Trend bu barədə TASS agentliyinə istinadən xəbər verir.
Məlumata görə, Hadisə nəticəsində xəsarət alanların sayı 60 nəfərə çatıb, bir qadın isə xəstəxanada vəfat edib.
Güclü partlayış nəticəsində, 111 tikili, o cümlədən, 100-ə yaxın yaşayış evi zərər görüb. Həmçinin, zavodun qazanxanası sıradan çıxıb.
Partlayışın texnoloji proseslərin pozulması nəticəsində baş verdiyi qeyd olunur.
Xatırladaq ki, dünən Rusiyanın Moskva vilayətinin Sergiyev Posad şəhərində yerləşən Zaqorsk optik-mexanika zavodunda güclü partlayış baş verib.