Bakı. Trend:
İsraildə HƏMAS terror təşkilatının hücumu nəticəsində həyatını itirən İsrail vətəndaşlarının sayı 900 nəfəri keçib.
Trend-in məlumatına görə, bu barədə İsrailin "Kan" televiziya və radio şirkəti bildirib.
Daha 2 616 israilli yaralanıb.
Qeyd edək ki, oktyabrın 7-də İsrailə hücumlar olunub. Əvvəlcə Qəzza bölgəsindən reaktiv mərmilərlə kütləvi atəş açılıb, daha sonra döyüşçülər əraziyə qurudan, havadan və sudan daxil olublar.
İsrail müharibə vəziyyəti elan edib. Bundan başqa, İsrailin müdafiə naziri Yoav Qallant ehtiyatda olan hərbçilərin kütləvi çağırışını elan edib.