Bakı. Trend:
Qəzzadan daha 23 xəstə və 21 xəstə yaxını Türkiyəyə gətirilib. Onların arasında uşaqlar da var.
Trend Türkiyə KİV-ə istinadən xəbər verir ki, yaralıları daşıyan Türkiyənin Milli Müdafiə Nazirliyinə məxsus təyyarə Ankaranın Etimesgut hərbi aeroportuna enib.
Türkiyənin səhiyyə naziri Fahrettin Kocanın qarşıladığı xəstələrin müalicəsi Ankara xəstəxanalarında davam etdiriləcək.