Bakı. Trend:
Böyük Britaniya Ukraynaya yüzlərlə hava hücumundan müdafiə raketi göndərəcək.
Trend xəbər verir ki, bunu Böyük Britaniyanın müdafiə naziri Qrant Şapps deyib.
“Biz Ukraynanın müdafiəsini dəstəkləməyə davam edirik. Ona görə də Rusiya pilotsuz təyyarələrini və raketlərini son dərəcə dəqiqliklə vurmağa qadir olan hava hücumundan müdafiə sistemlərinin arsenalını tamamlamaq üçün yüzlərlə hava hücumundan müdafiə raketi göndəririk”, - nazir bildirib.
Qrant Şapps digər Qərb ölkələrini də Ukraynanı lazımi silah və hərbi texnika ilə təmin etməyə çağırıb.