Bakı. Trend:
Rusiya Aerokosmik Qüvvələri Suriyanın İdlib vilayətində silahlıların iki bazasını məhv edib.
Trend-in məlumatına görə, bu barədə Rusiyanın Suriyada Müharibə edən Tərəflərin Barışıq Mərkəzinin rəhbərinin müavini, kontr-admiral Vadim Kulit belə deyib.
"Rusiya Aerokosmik Qüvvələrinin İdlib vilayətinin Basankul və Aşxani-Taxtani yaşayış məntəqələri ərazilərinə endirdiyi zərbələr nəticəsində Suriya hökumət qüvvələrinin mövqelərinə təxribat xarakterli hücumlarda iştirak edən silahlıların iki bazası məhv edilib", - deyə o bildirib.
Onun sözlərinə görə, ABŞ-ın rəhbərlik etdiyi beynəlxalq koalisiyanın Suriya səmasında təxminən altı pozuntusu aşkar edilib.