Bakı. Trend:
Türkiyədə keçirilən yerli özünüidarə orqanlarına seçkilərin nəticələri aprelin 1-də açıqlanacaq.
Trend-in məlumatına görə, bu barədə ölkənin Mərkəzi Seçki Komissiyasının rəhbəri Əhməd Yener məlumat verib.
"Səslərin hesablanması davam edir. Biz seçkilərin nəticələrini bazar ertəsi elan etməyi planlaşdırırıq", - deyə o bildirib.
Xatırladaq ki, martın 31-də Türkiyədə yerli özünüidarəetmə orqanlarına seçkilər keçirilib. Səsvermə yerli vaxtla saat 8:00-dan 17:00-dək davam edib.