Bakı. Trend:
Nigerin Burkina-Faso sərhədi yaxınlığındakı Mehana bölgəsindəki kəndlərə yaraqlıların hücumu nəticəsində azı 15 mülki şəxs həlak olub, bir neçə nəfər yaralanıb.
Trend-in məlumatına görə, bu barədə “France-Presse” agentliyi məlumat yayıb.
Cavab tədbirləri zamanı hökumət ordusunun bölmələri iki terrorçunu zərərsizləşdirib.
Mehana bölgəsi Niger hərbçilərinin Niya əməliyyatı çərçivəsində mütəmadi olaraq silahlılarla toqquşduğu ərazidə yerləşir.