Bakı. Trend:
Nigeriya hakimiyyəti ölkədə "mpox" (“empoks”, meymunçiçəyin yeni adı) xəstəliyinin yayılması səviyyəsinin son dərəcəli olduğunu açıqlayıb.
Trend-in məlumatına görə, bu barədə "Africa24" televiziya kanalı xəbər verib.
Məlumata əsasən, Nigeriya Xəstəliklərə Nəzarət və Qarşısının Alınması Mərkəzinin rəhbəri Jide İdris bildirib ki, ölkədə 36 ştatdan 33-də 39 təsdiqlənmiş mpox xəstəliyinə yoluxma halı qeydə alınıb. Ölüm halı hələki qeydə alınmayıb.
Hakimiyyət epidemioloji vəziyyətə nəzarəti gücləndirir və virusun yayılmasının qarşısını almaq üçün yoluxmuş şəxslərlə təmasda olanları müəyyənləşdirir.