Bakı. Trend:
ABŞ prezidentliyinə namizədlər olan keçmiş Amerika lideri Donald Tramp və hazırkı vitse-prezident Kamala Harris ilk teledebatlarını keçirəcəklər.
Trend-in məlumatına görə, teledebatlar Respublikaçılar və Demokratlar partiyalarından ən yüksək dövlət vəzifəsinə namizədlikləri rəsmən irəli sürüldükdən sonra keçiriləcək.
"ABC" telekanalının təşkil edəcəyi debatlar Pensilvaniya ştatının Filadelfiya şəhərində keçiriləcək və 90 dəqiqə davam edəcək. Debatlar Amerikanın bütün əsas televiziya kanalları tərəfindən ABŞ-nin Şərq sahilləri vaxtı ilə saat 21:00-dan (Bakı vaxtı ilə sentyabrın 11-i saat 04:00-dan) etibarən canlı yayımlanacaq.
D.Tramp və K.Harris arasında ilk teledebat yeganə ola bilər - tərəflər hələ də əlavə raundlar barədə razılığa gəlməyiblər, halbuki 5 noyabr seçkilərinə iki aydan az vaxt qalıb.