Bakı. Trend:
Çin bu il ölkənin müdafiə büdcəsini 7.2% artıracaq.
Trend xəbər verir ki, bu barədə xarici KİV-lər məlumat yayıb.
Məlumata görə, Çinin Parlamentində ümumilikdə ölkənin dövlət büdcəsindən müdafiə sektoruna 245 milyard dollar həcmində vəsaitin ayrılacağı elan olunub. Pentaqondan olan və digər müstəqil hərbi ekspertlər isə, fərqli ad altında büdcə ayırımlarının olduğunu nəzərə alaraq, Çinin müdafiə büdcəsinin nəticə etibarilə, ümumilikdə 40% artırılacağını iddia edir.
Qeyd edək ki, Çin hərbi xərclərin həcminə görə, dünyada ABŞ-dən sonra ikinci yerdə qərarlaşıb və artıq dünyanın ən iri hərbi donanmasına malikdir.