Bakı. Trend:
İsrail nümayəndə heyəti Qəzza zolağında atəşkəsə nail olmaq və orada saxlanılan girovları azad etmək məqsədi ilə Fələstinin Həmas hərəkatı ilə dolayı danışıqlar aparmaq üçün Dohaya gəlib.
Trend-in məlumatına görə, bu barədə "Al Araby" televiziya kanalı xəbər verib.
Bazar günü İsrailin "Ynet" portalı bildirib ki, İsrailinin hakimiyyət orqanları Qəzza ilə bağlı məsləhətləşmələr üçün Dohaya danışıqlar heyəti göndərmək qərarına gəliblər.
İsrail və HƏMAS arasında dolayı danışıqların növbəti raundunun iyulun 6-da baş tutacağı gözlənilir.