Bakı .Trend:
Yəmənin "Ənsar Allah" üsyançı hərəkatı son iki həftə ərzində İsrailə qarşı 38 hərbi əməliyyat keçirib.
Trend-in məlumatına görə, bu barədə husilərin lideri Əbdülməlik əl-Husi deyib.
"Son iki həftə ərzində raket və pilotsuz uçuş aparatlarından istifadə də daxil olmaqla 38 əməliyyat həyata keçirilib", - deyə o bildirib.
Onun sözlərinə görə, dron əməliyyatları effektiv olub, xüsusilə, “23 PUA Hadera, Yaffa, Aşdod, Aşkelon, Negev və Umm ər-Rəşraşda bir neçə hədəfi vurub.