Bakı. Trend:
Yeni tədris ilində ilk dəfə olaraq SABAH qruplarına 1-ci kursdan qəbul oluna biləcəklər.
Trend xəbər verir ki, bu sözləri elm və təhsil naziri Emin Əmrullayev yeni tədris ilinə dair bu gün keçirilən brifinqdə deyib.
Nazir qeyd edib ki, SABAH proqramının əhatə dairəsinin 2025-2026-ci illərdən başlayaraq mərhələlərlə 2028-ci ilədək genişləndirilməsi planlaşdırılır.
"İlk dəfə ADA, Bakı Ali Neft Məktəbi, Azərbaycan İdman Akademiyası, Aqrar Universitet və Xəzər Universitetində SABAH qrupları yaradılacaq", - deyə o qeyd edib.