Bakı. Trend:
UEFA Gənclər Liqasının əsas mərhələsində "Qarabağ"ın U-19 komandasının səfərdə "Benfika"ya qarşı keçirəcəyi oyunun təyinatları açıqlanıb.
Trend xəbər verir ki, qarşılaşmanı Şimali İrlandiyadan olan FİFA referisi Ceymi Robinson idarə edəcək Ona Adam Ceffri və Brayan Uilson kömək göstərəcək.
Dördüncü hakim funksiyasını portuqaliyalı Dioqu Roza yerinə yetirəcək.
Xatırladaq ki, sentyabrın 16-da baş tutacaq "Benfika" - "Qarabağ" matçı Bakı vaxtı ilə saat 14:00-da start götürəcək.