Böyük Britaniya minlərlə qanunsuz miqrantı deportasiya edəcək

Bakı. Trend:

Konqo Demokratik Respublikası, Anqola və Namibiya Böyük Britaniyada qanunsuz yaşayan minlərlə vətəndaşını geri qəbul etməyə razılaşıb.

Trend “The Daily Telegraph” qəzetinə istinadla xəbər verir ki, bu qərar Londonun viza məhdudiyyətləri tətbiq edəcəyi ilə bağlı xəbərdarlığından sonra verilib.

Böyük Britaniyada məhkum edilmiş təxminən 4 min cinayətkarın bu ölkələrə deportasiyası planlaşdırılır.