Azərbaycan, Bakı, 12 iyun /Trend, müxbir Ənvər Məmmədov/
I Avropa Oyunlarının keçirilməsi Azərbaycanın inkişaf göstəricisidir. Bunu Trend-ə açıqlamasında Rusiya Kommunist Partiyasının lideri Gennadi Züqanov deyib.
G.Züqanov bildirib ki, Azərbaycanda möhtəşəm idman infrastrukturu yaradılıb: "Ən müasir idman kompleksləri tikilib. Bakı gündən-günə inkişaf edir və böyüyür. Buna və I Avropa Oyunlarının məhz Azərbaycanda keçirilməsinə çox sevinirəm".
G.Züqanov həmçinin I Avropa Oyunları zamanı münaqişələrə son veriləcəyinə ümid etdiyini də dilə gətirib: "Siyasi meydandansa, idman meydanında mübarizə aparmaq daha yaxşıdır".