Sloveniyalı məşqçi: Azərbaycan Avropa Oyunlarını keçirməklə yaxşı təcrübə qazanır
Azərbaycan, Bakı, 26 iyun /Trend, müxbir Hüseyn Vəliyev/
"I Avropa Oyunlarından sonra Azərbaycan gələcəkdə idman tədbirlərini keçirmək üçün böyük təcrübə qazanacaq". Bu barədə Trend-ə Sloveniyanın üzgüçülük komandasının məşqçisi Oliver Mumalo deyib.
O, Azərbaycanın Olimpiya Oyunlarını keçirmək iqtidarında olduğunu bildirib: "Düşünürəm ki, Azərbaycanın gələcəkdə Olimpiya Oyunlarını keçirmək istəyini nəzərə alsaq, I Avropa Oyunlarının təşkilati işləri ilə bağlı təcrübə ölkəyə lazım olacaq".
O.Mumalonun sözlərinə görə, Bakıda yaxşı və müasir Su İdmanı Sarayı inşa edilib.
O, həmçinin Bakıda başqa yarışlarda da iştirak etmək istədiyini deyib.
