...

Məktəblilərin şahmat üzrə onlayn yarışı keçirildi

Mədəniyyət Materials 30 Mart 2020 10:27 (UTC +04:00)
Təhsil Nazirliyindən Trend-ə verilən məlumata görə, yarış "Təhsil” Respublika İdman Mərkəzinin şahmat üzrə respublika birinciliyində yüksək nəticə göstərmiş məktəblilərin iştirakı ilə baş tutub.
Məktəblilərin şahmat üzrə onlayn yarışı keçirildi

Bakı. İlhamə İsabalayeva - Trend:

Məktəblilərin iştirakı ilə onlayn şahmat yarışı keçirilib.

Təhsil Nazirliyindən Trend-ə verilən məlumata görə, yarış "Təhsil” Respublika İdman Mərkəzinin şahmat üzrə respublika birinciliyində yüksək nəticə göstərmiş məktəblilərin iştirakı ilə baş tutub.

Yarışda chess.com internet portalında müvafiq platforma üzərindən qeydiyyatdan keçməklə Bakı, Sumqayıt, Gəncə, Naxçıvan şəhərləri, Şəki, Beyləqan və Göyçay rayonlarından 28 şahmatçı iştirak edib. Yarışlar 7 turdan ibarət olmaqla İsveçrə sistemi üzrə keçirilib.

Qeyd edək ki, onlayn formatda yarış koronavirus infeksiyasının ölkəmizdə yarada biləcəyi təhlükənin qarşısının alınması məqsədilə bütün təhsil müəssisələrində tədris, təlim-tərbiyə prosesi müvəqqəti olaraq dayandırıldığından məktəblilərin ev şəraitində vaxtlarını daha da səmərəli keçirməsi, onların müasir texnologiyalardan istifadə etməklə yarış təcrübələrinin artırılması üçün təşkil edilib. Bu müddət ərzində onlayn yarışların daha geniş tərkibdə təşkili nəzərdə tutulur.

Məqalədə:
Xəbər lenti

Xəbər lenti