Bakı. Orxan Nəbiyev - Trend:
Yerevanda baş nazir Nikol Paşinyan əleyhinə keçirilən kütləvi etiraz aksiyasında 25 nəfər saxlanılıb.
Trend-in məlumatına görə, hazırda aksiyalar hökumət binasının qarşısında və mərkəzi meydanda davam edir. Aksiya iştirakçıları "satqın Nikol" kimi şüralar səsləndirir.
xxx
11:35
Yerevanda hökumət binasının ətrafına, eləcə də mərkəzi Respublika meydanına çoxlu sayda xüsusi təyinatlı polis cəlb edilib.
Trend-in erməni KİV-lərinə istinadən məlumatına görə, müxalifət növbəti mitinq keçirəcəyini elan edib.
"Daşnaksutyun" partiyasının təşəbbüsü ilə etirazçılar baş nazir Nikol Paşinyanın hökumət binasına daxil olmasına mane olacaqların bildirib.
Xatırladaq ki, fevralın 20-dən etibarən müxalifət N.Paşinyanın istefası tələbi ilə fasiləsiz aksiyalar elan edib.