.jpg)
Bakı. Trend:
Ölkə ərazisini əhatə edən meşəbərpa tədbirləri bu gün Quba, Tovuz, Şəmkir, Ağcabədi, Qəbələ, Şəki, Sabirabad və Göygöl rayonlarının meşə fondu ərazisində həyata keçirilib və gün ərzində ümumilikdə 22 hektar ərazidə 16 000 ədəd ting əkilib, 800 kiloqram palıd toxumu səpilib.
Bunu bu gün Trend-ə açıqlamasında Meşələrin İnkişafı Xidmətinin rəsmisi Cabbar Qəribov bildirib.
O qeyd edib ki, payız ağac əkini mövsümü başlayandan bu günədək ölkə ərazisinin meşə fondu torpaqlarının 194 hektar sahəsində 142 mindən artıq ting əkilib, 9 500 kiloqram toxum səpilib.