...

Hatayda baş verən zəlzələdən sonra dəniz daşıb, küçələri su basıb (FOTO)

Gündəm Materials 7 Fevral 2023 17:06 (UTC +04:00)
Hatayda baş verən zəlzələdən sonra dəniz daşıb, küçələri su basıb (FOTO)
Humay Ağacanova
Humay Ağacanova
Bütün xəbərlər

Bakı. Trend:

Türkiyənin Hatay bölgəsində baş verən zəlzələdən sonra dəniz daşıb.

Trend bu barədə Türkiyə KİV-nə istinadən bildirir.

Qeyd edilib ki, Kahramanmaraş mərkəzli zəlzələlərdən zərər çəkən Hatayın İskenderun bölgəsində dəniz səviyyəsinin qalxması nəticəsində bəzi küçələri su basıb.

Xatırladaq ki, ötən gün Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub. Xeyli sayda insan həlak olub və yaralanıb.

Zəlzələnin ilk günü - fevralın 6-da Prezident İlham Əliyevin tapşırığına uyğun olaraq, Fövqəladə Hallar Nazirliyinin 420 nəfərdən ibarət çevik xilasetmə qüvvələri Türkiyəyə yola düşüb.

Fevralın 7-də isə ilkin olaraq mobil səhra hospitalı və 41 nəfərdən ibarət peşəkar tibbi və qeyri-tibbi heyət Türkiyəyə yola düşüb. Daha sonra isə nvöbəti təyyarə ilə dağıntılardan ziyan çəkmiş insanların yerləşdirilməsi üçün çadırlar, ədyal və qızdırıcılar, habelə mobil səhra hospitalı üçün 3 ədəd konteyner yola salınıb.

Məqalədə:
Xəbər lenti

Xəbər lenti