Bakı. Trend:
"WhatsApp" 2.23.14.17 beta versiyasında söhbət filtrləmə funksiyasını test edib.
Trend xəbər verir ki, bu versiyaya "Oxunmamış", "Şəxsi" və "Biznes" filtrləmə seçimləri daxildir. 2.23.19.7 beta versiyasında filtrləmə seçimləri dəyişdirilib.
Yeni ekran görüntüsünə baxdıqda "Şəxsi" və "İş" filtrləmə seçimləri silinib. Əvəzinə "İnsanlar" və "Qruplar" seçimləri əlavə edilib. "Oxunmamış" seçimində heç bir dəyişiklik edilməyib. Yeni funksiya sayəsində istifadəçilər söhbətləri daha tez tapa biləcəklər. Beləliklə, söhbətlərə daxil olmaq üçün uzun müddət axtarış etməyə məcbur qalmayacaqsınız.
Qeyd edək ki, 180-dən çox ölkədə
2 Milyarddan çox insan istənilən vaxt və hər yerdə dostları və
ailəsi ilə əlaqə saxlamaq üçün "WhatsApp"dan istifadə edir.
"WhatsApp" ödənişsizdir və bütün dünyada telefonlarda mövcud olan
sadə, təhlükəsiz, etibarlı mesajlaşma və zəngetmə xidmətlərini
təklif edir.