Bakı. Trend:
Smartfonlar həyatımıza girdiyi andan etibarən hər bir işi bir kliklə idarə edə biləcəyimiz cihazlara çevriliblər.
Trend-in məlumatına görə, hər bir elektron cihazda olduğu kimi, smartfonlarda da şarj problemi yaşanır.
Nə üçün smartfonun batareyası bu qədər tez tükənir? Smartfonunuzun batareyasının tez tükənməsinin səbəbləri bunlardır.
Yüksək ekran parlaqlığı
Çöldə olduğunuz zaman ekran parlaqlığını maksimumda saxlamaq adətən məntiqli gəlir. Ancaq bunun batareyaya böyük təsiri var. Buna görə də, batareyanın ömrünü mümkün qədər uzatmaq üçün parlaqlığı minimum səviyyədə saxlayın.
Fon proqramları
Batareyanın tez tükənməsinə səbəb olan problemlərdən biri də fon proqramlarıdır. Bu proqramlar hətta siz onlardan birbaşa istifadə etmədiyiniz zaman da işləyir. Bu proqramlara misal olaraq “Messencer”, “VPN”, sağlamlıq və təqvim kimi proqramlar daxil ola bilər.
Smartfonla daim internetə qoşulu qalmaq
Snartfonlarda ehtiyac olmadıqda daim bildirişlər, yeniləmələr və s. qəbul etdiyiniz üçün bu, smartfonunun batareyasına da təsir edir. Yuxu saatlarında və ya istifadə etmədiyiniz zaman “WiFi” söndürmək bu problemi böyük ölçüdə aradan qaldıracaq.
Məkan izləmə proqramları
Smartfonlarda yerinizi izləyən bir çox proqram var. Bu proqramları birbaşa istifadə edərkən, onların yalnız yerinizi izlədiyini düşünə bilərsiniz, lakin bu, tam olaraq belə deyil. Bir tətbiqin yeri daim izləməsi üçün müəyyən miqdarda enerji tələb olunur.
Bildirişlər
Telefonunuza yeni proqram quraşdırdığınız zaman bildiriş parametrləri çox güman ki, avtomatik olaraq aktivləşdirilir. Bununla belə, cihazınızda hər bir tətbiqdən bildiriş almaq batareyanın ömrünə mənfi təsir göstərir.